HIZKUNTZAK keyboard_arrow_down

PROCESSES

PRODUKTU-GARAPEN ZIKLOA


Prozesu guztiei balio erantsia ematen diegu, bezeroen hasierako eskaeretatik, industrializaziora eta serieko entregetaraino. Produktuen eta prozesuen lehiakortasuna lortzea da gure eragile nagusia, eta, horregatik, hasiera-hasieratik gure ezagutzan oinarrituz bezeroak espero duen balioa gainditzeaz gainera produktuaren bizitza-zikloan ideia berriak edukitzen eta prozesu berritzaileak sartzen saiatzen gara, errentagarritasun handiagoa lortze aldera.




BEZEROAREN ESKAERA

Bezeroen lehen eskaerak jasotzen ditugunetik, ingeniaritzako proiektu-taldeak eta produkzio-fabrikak elkarlanean dihardute proiektuaren hastapenetik diseinuaren eta fabrikazioaren kontzepturik lehiakorrenak hautatzen eta garatzen, eta ahaleginak eta helburuak bateratzen dituzte bezeroaren itxaropenak betetze aldera.




BIDERAGARRITASUN TEKNIKOA ETA EKONOMIKOA

Ingeniaritza-taldeak kontu-kudeatzailearekin koordinazioan proiektua kudeatzen du eta fase guztietan 2D diseinuaren eta CAD eraikuntzaren bideragarritasun teknikoa eta ekonomikoa berrikusten ditu, gero industrializatzeko; horretarako, AMFE tresnak, prozesuen Moldflow programa, prototipo azkarra, irakaspenak, etab. erabiltzen ditu.




MOLDEEN ETA EKIPOEN DISEINUA ETA FABRIKAZIOA

Produkzio-bitartekoen azken aplikazioa beti hartzen da kontuan haiek definitzen eta diseinatzen direnean, eta serieko jarduera optimoari lehentasuna ematen zaio prozesu guztietan (injekzioa, pintura, soldadura, mihiztadura, etab.); lan horretarako, merkatuko azken teknologietan oinarritzen gara, besteak beste ikuspen artifizialaren bidezko kontrolean eta automatizazioan.

Moldeak esleitzen direnetik Tajok kudeatzen ditu, eta, horretarako, hornitzaile homologatuen taula bat du. Hornitzaile horiek lehiakortasunaren, esperientzia teknikoaren eta konpromisoaren arabera hautatzen dira, eta etengabe ikuskatzen dira.




HOMOLOGAZIOA

Ingeniaritzako eta fabrikako taldeak, bezeroak eskatutako APQP planari jarraiki, pieza edo multzoa baliozkotzen du, eta, besteak beste, jarduera hauek burutzen ditu: proba funtzionalak eta laborategiko entseguak, piezen dimentsionalak bezeroak eskatutako tolerantzien arabera, eta Run & Rate behin betiko eremuetan. Bezeroak proiektuaren PPAP dokumentazioa onartu beharko du hura homologatu eta serieko produkzioa aurrera eramateko. Bestalde, taldeak adostu diren epeak eta eskakizunak betetzeko konpromiso irmoa du.




SERIEKO PRODUKZIOA ETA LOGISTIKOA

Badakigu serieko produkzioan zehar adostutako estandarrak mantentzen eta gainditzen baditugu, gure bezeroak fidelizatu eta gure etorkizuna bermatuko dugula. Horregatik guztiagatik, fabrikako sailek haien eremuetan jarduten eta berritzen dute, KPI nagusiak (ppm, entrega-ratioa, etab.) gainditzeko, betiere gure bezeroentzako erreferentziazko zerbitzu-hornitzailea izateko helburua lortu nahian.